GENERAL SANTOS CITY – Gibutyag ni City PNP Director PCol. Jomar Alexis Yap nga may tulo ka suspek sa pagpamusil patay ngadto kang Agustin Gonzales ug Ramonito Evangelista sa Marcos Avenue, Highway, Brgy. Apopong ning syudad.
Aminado sila nga nalisdan sa pag-ila sa mga responsable tungod base sa ilang nakuha nga mga pahayag gikan sa mga testigo nga nakasuot og helmet og face mask ang mga nasampit.
Hinuon, sumala sa opisyal nga adunay silay nakita nga anggulo nga posibleng may kalambigitan sa kaso nga gina-imbestigahan sa Police Station 7 bisan nga sayo pa kini isulti nga dinhi mututok ang imbestigasyon sa kaso.
Samtang gitubag usab ni Col. Yap kung planado ba ang tanan gumikan sa ensaktong adlaw ug oras nga nigawas si Evangelista sa bilangguan nahitabo ang pagpamusil kanila.
Apil usab sa ilang giimbestigahan kung asa gikan ang P11K cash nga nakuha gikan kang Evangelista bisan pa bag-o lang kining laya.
