GENERAL SANTOS CITY – Luyo sa mga pag-ulan, ang Provincial Government sa Davao Del Norte midawat sa mokabat sa 2,000 ka mga delegado nga morepresenta sa lima ka mga rehiyon sa Mindanao sa pag-abli sa ika-upat nga cluster Pre-National Qualifying Meet of the 2023 sa 2023 Palarong Pambansa.
Anaa ang mga magtutungha, opisyales, ug coaches gikan sa mga rehiyon susama sa region 10 (Northern Mindanao), 11 (Davao region), 12 (SOCCKSARGEN), 13 (CARAGA) ug Bangsamoro Autonomous Region in Muslim Mindanao (BARMM).
Kahibaloan nga gipagamyan ang numero sa mga misalmot ug bisan ang adlaw sa pre-national qualifying meet ang gipamub-an usab, apan walay gibawas sa kalidad sa mga dula.
Matud ni Eduction Asst. Secretary General Francis Bringas, nga ang Mindanao leg maoy labing unang pre-qualifying meet.
Ang nahisgutang qualifying meet, gilangkuban sa mga team sports sama sa baseball, basketball, football, futsal, sepak takraw, ug volleybal kung asa ang top 2 sa regional delegation maoy moabanse sa 2023 Palarong Pambansa nga ipahigayon gikan Hulyo 29 hangtud Agosto 5, ning tuiga sa Marikina City.
