Pork products bawal gihapon ipalusot dinhi sa dakbayan

GENERAL SANTOS CITY – Padayon ang pahimangno sa lokal nga panggamhanan alang niadong buot magpalusot ug mga pork products dinhi sa dakbayan nga bawal gihapon kini.

Kahinumdoman nga ubay-ubay ang mga pork products ang nakumpiska sa Tinagacan ASF Prevention Checkpoint ning syudad sa sa milabayng adlaw.

Anaa sa 649.4kgs o 34 boxes sa pork products gikan sa Toril, Davao City ang gikumpiska. Lakip nga gikumpiska ang ana sa 545.2kgs (29boxes) sa Grown Chicken Skin.

Gikumpiska ang maong chicken products gumikan gisagol sa pork products.

Ang panawagan sa katawhan nga hangtud karon nagpabilin ang kamanduan nga bawal ang pagsulod gihapon sa syudad sa mga pork products gumikan nagpabilin ang bahad sa African swine fever kon ASF.