GENERAL SANTOS CITY – Gipaklaro ni Atty. Rogelio Garcia, usa sa mga abogado sa dakbayan ang rason nganong wala giaprobahan sa Timor Leste ang hangyo nga asylum ni Rep. Arnie Teves.
Matud pa niini nga kini gumikan wala nakapasa sa mga kwalipikasyon si Teves gumikan dili isyu kalabutan sa pulitika ang rason nganong nagtaguan.
Ang labing maayong himoon niini nga mag-uli sa Pilipinas aron nga atubangon ang kaso.
Kung sige og tago og dili atubangon ang kaso magtuo ang kadaghanan nga tinood ang mga alegasyon batok kaniya.
Nasayran nga unang gikumpirma ni Justice Secretary Jesus Crispin Remulla nga gi-isyu na ang Interpol notice.
Nagpasabot kini nga mas malisdan ang paglihok ni Teves kung asa pahibaluon ang gobyerno sa Pilipinas kung asa siya muadto.
