GENERAL SANTOS CITY – Anaa karon sa kustudiya sa Protected Area Management Board (PAMB) ug Bureau of Fisheries and Aquatic Resources (BFAR) ang usa ka spinner dolphin human nga na-rescue sa kadagatan nga bahin sa Barangay Lower Makar, Labangal sa dakbayan sa Heneral Santos.
Matud ni Prince Tampus, agricultural technologies sa CENRO GenSan, gimonitor sa beterinaryo ang sitwasyon sa dolphin human nga gipatumar og tambal og gipakaon og mga isda.
Dugang niini, sutaon kung kanus-a na usab subling buhian ang dolphin sa dagat apan magbase gihapon sa development sa kondisyon.
Nasuta nga ang maong dolphin adunay 6ft ang gitas-on ug anaa sa 40-50 kilos ang gibug-aton.
Una ng nakit-an sa kadagatan nga bahin sa Sarangani Bay ang maong spinner dolphin, nga nagluya og subling gibuhian sa dagat apan pipila ka gutlo subling na-stranded kini sa kadagatan nga bahin sa Barangay Labangal.
