Susihon sa House Committee on Agriculture and Food ang mga sayop nga “coordinates” sa pipila ka farm-to-market road o FMR projects nga gilakip sa proposed 2027 national budget.
Matud ni Quezon City Representative Mark Enverga, chairman sa maong komite, tumong sa Kongreso nga mahibal-an ang tinuod nga kahimtang sa mga proyekto, ang gilapdon sa mga sayop ug mapanubag ang mga responsable niini aron dili na mausab ang susamang problema. Gidawat usab ni Enverga ang lakang ni Department of Agriculture Secretary Francisco Laurel Jr. nga imbestigahan ang tanang proyekto nga nalambigit sa isyu ug ilhon ang mga responsable sa sayop nga “coordinates”.
Mokuyog sa imbestigasyon sa DA ang pipila ka budget watchdogs, lakip ang mga grupo nga unang nagbutyag sa sayop nga impormasyon sa “coordinates” sa maong mga proyekto. Una nang miangkon ang DA nga walo sa kinatibuk-ang 1,669 ka farm-to-market road projects nga gilakip sa National Expenditure Program o NEP ang adunay sayop nga coordinates.
Gipasabot nga tungod kini sa encoding errors o sayop nga pag-type sa usa o duha ka numero.
