GENERAL SANTOS CITY – May posibilidad gihapon nga ulanon ang Dakbayan gumikan sa nasinati-an nga easterlies o localized thunderstorm nga posibleng mukusog gumikan sa nasinati-an nga La Niña.
Kini ang pahayag ni Weather Forecaster Benrio Biñan sa PAGASA Gensan atul sa pagsulod sa Bagyong Gardo niining adlawa sa Philippine Area of Responsibility.
Gipaklaro niini nga duha ka mga LPA ang unang namonitor ug gibantayan apan may posibilidad nga dili kini makahatag ug kadaut sa kayutaan sa Pilipinas hinuon didto kini mudiretso sa nasud Japan.
Samtang kagabii nahimong ng super typhoon ang ikaduha nga LPA nga pagatawagon nga Henry kung musulod sa area of responsbility sa nasud.
Epekto niini dinhi sa Dakbayan mahimong init sa buntag ug may mga pag-ulan panahon sa hapon ug silingan nga mga lugar.
Lakip gibantayan sa Weather Pagasa ang thunderstorm nga magresulta sa mga pagbaha.
Una ng gibutyag nga musapaka ang direksyon sa duha ka bagyo nga gibantayan sa Weather Bureau.
