GENERAL SANTOS CITY – Gipakita sa lokal nga panggamhanan sa Alabel pinaagi ni Mayor Vic Paul Salarda ang seryoso niining kampanya kontra sa paggamit og modified nga tambutso.
Daw sa mga papel ang mukabat sa 94 ka tambutso human kini nga gipaligsan sa pison atubangan mismo sa Alabel, Sarangani Province. Ang mga naasoy nga tambutso una nang nakumpiska sa mga operasyon sa otoridad sa maong munisipyo.
Dili lang kutob sa pagdukdok, inay gigamitan gayud og pison ang pagguba sa mga tambutso og aron dili na magamit sa mga badlungon nga mga motorista.
Kahibaluan nga subay sa gitawag nga Anti- Burak / Illegal Muffler Ordinance sa LGU Alabel, gimanduan ni Mayor Salarda ang tanang mga opisyal sa barangay sa munisipyo nga muhimo ug lakang alang sa maong kampanya.
Una nga nagpasidaan si Mayor Salarda ngadto sa mga motorista nga undangon na ang paggamit ug modified nga mga tambutso gumikan istorbo kini sa kalinaw gumikan sa kasaba niini.
