GENERAL SANTOS CITY – Padayon ang apila sa katawhan nga magpabakuna batok sa COVID 19.
Matud pa ni Dr. Jet Oco, local IATF incident commander nga magpabilin gayud sa alert level 2 ang syudad kung dili maangkon ang target nga 70% nga mabakunahan ang mga senior citizen nga lakip sa vulnerable sektor.
Luyo nga daghan ang mibalibad nga magpabakuna apan padayon ang pag-awhag sa mga katawhan ilabi ang senior citizen nga magpabakuna batok sa COVID 19.
Gibutyag ni Dr. Oco nga ang mga nagdumili nga magbakuna batok sa COVID 19 ang nahadlok gumikan nagduha-duha kung epektibo o luwas ang bakuna.
Sumala pa sa nahisgutang opisyal nga sa kapin sa 300,000 ka mga taga GenSan nga fully vaccinated batok sa COVID 19 walay natala nga adverse event hinungdan nga walay angayang kabalak-an ang katawhan.
