GENERAL SANTOS CITY – Gahulat na lamang ang LTFRB 12 sa kamanduan kanila kalabutan sa padayon nga pagpanghatag og fuel subsidy sa ubang mga benepisyaryo gumikan sa election ban.
Kini human nga mitugot na ang Comelec nga ipadayon ang paghatag og hinabang sa mga benepisyaryo nga mga drivers og operators nga apektado sa pagtaas sa presyo sa produktong petrolyo.
Una niini gibutyag ni Retired Col. Renato Padua, regional director sa LTFRB 12 nga giundang una ang paghatag og sabsidiya gumikan sa comelec ban spending tungod sa nagkaduol nga election.
Sa iyang pamahayag nga sa bahin sa mga operators sa public utility vehicles makadawat og P7,200 kada usa.
Apan ang maong hinabang ang alang lang sa petrolyo nga ipatubil sa mga accredited nga mga gasolinahan. Samtang ang fuel subsidy alang sa jeep, PUJ,tourist transport service, taxi og shuttle ang apektado usab sa election ban.
Matud pa kang Padua ang delivery services ang anaa sa Department of Trade and Industry kon DTI og DICT ang pagpanghatag og subsidy .
Sa bahin sa tricycle ang anaa sa lokal nga gobyerno ang paghatag og fuel subsidy.
Kahibaluan nga ang mga drivers ang mireklamo na gumikan mahal na kaayo ang presyo sa produktong petrolyo nga nakaapekto sa ilang pamasahero kada adlaw.
