Natala ang 55 ka kaso sa dengue sa dakbayan gikan Enero 1 hangtud Marso 11, 2022 og tulo niini ang patay.
Sa report gikan sa City Health Office 82% ang pag-ubos itandi sa susamang panahon sa miaging tuig nga anaa sa 300. Nasayran nga ang Brgy. Labangal ang adunay siyam ka kaso nga 16% sa katibuk-ang ihap nga natala sa dakbayan.
Matud pa ni Dr. Jett Oco , department head sa City Health Office nga ang tulo ka patay ang gikan sa urban areas sa dakbayan og pulos menor de edad.
Ang rason gumikan dugay nga nadala sa ospital gumikan sa stigma nga basin i-deklara nga COVID 19.
Gumikan niini nanawagan ang City Health Office sa publiko nga maglimpyo kanunay sa sulod og gawas sa balay aron nga walay kapuy-an ang mga lamok.
Matud pa nga kaya nga mabatukan ang dengue kung ang tanan nagkooperar nga manglimpyo sa palibot.
