GENERAL SANTOS CITY -Subli nga ibalik ang libreng sakay sa mga pampublikong mga sakyanan sa dakbayan.
Matud pa kang Robert Cang, presidente sa Public Transport Alliance in Gensan (PTAG) nga kini ang gikasabutan atol sa ilang panagtigum nga gipahigayon sa Vigan City.
Sumala pa ni Cang nga anaa sa P7 billion ang gigahin nga pondo sa gobyerno nga mulungtad og duha ka bulan nga programa.
Hinoon wala pa gikatakda sa Department of Transportation (DOTr) kung kanus-a kini ipatuman .
Ang maong programa ang abag sa gobyerno sa maong sektor gumikan sa padayon nga pagtaas sa presyo sa produktong petrolyo.
Kahibaluan nga sa miaging mga bulan gipatuman usab ang maong programa kung asa gihimo ang sa ingon aron matabangan ang nahisgutang sektor.
Kini gumikan sa pandemnya kung asa anaa sa 50% lang ang sitting capacity sa mga pampublikong mga sakyanan.
