GENERAL SANTOS CITY – May mahimo ang gobyerno nga dili kaayo mutaas ang presyo sa mga nag-unang palaliton gumikan sa sunod-sunod nga oil price hike.
Matud pa kang Atty. Teodoro Sales, usa sa mga abogado sa dakbayan nga ang presyo sa petrolyo sa world market ang walay mahimo ang gobyerno apan pwede nga rebyohon o suspensohon una ang pagpatuman sa Oil Deregulation Law.
Sa pamahayag ni Atty. Sales nga suspensohon una ang pagpatuman sa Oil Deregulation Law dili na una magtaas ang presyo sa produktong petrolyo gumikan gikunhuran ang buhis nga gibayad sa gobyerno sa mga kompanya sa lana.
Kahibaluan nga sunod-sunod nga mitaas ang presyo sa petrolyo kasa semana kung asa misamot pa sa sitwasyon sa giyera sa Ukraine.
Ang mga anaa sa transport sektor ang gapanawagan og dugang nga pletihan og ang mga manufacturers ang gaplano usab nga magpataas sa presyo sa ilang nag-unang palaliton.
