Training sa mga miyembro sa electoral board sa Sarangani himoon sa sunod nga bulan

GENERAL SANTOS CITY – Hugot nga gipangandaman sa COMELEC Sarangani ang gikatakda nga training sa mga magtutudlo isip miyembro sa electoral board nga magserbisyo sa election karong bulan sa Mayo ning tuiga.

Matud kang Atty. Jay Gerada, Provincial Election Supervisor nga sa bulan sa Marso ang training sa mga nasampit aron masayod sa mga angayang himoon atol sa adlaw sa election.

Gikadugang pa niini nga 1,100 ka mga magtutudlo ang apil sa gikatakda nga training kung asa nakig-alayon na sila sa Deped .

Samtang nag-abot na usab sa probinsya 20 ka voting counting machine nga gamiton sa training sa mga sakop sa electoral board.

Una niini gipahigayon ang sa training sa 200 ka mga technicians sa miaging semana