Nagpaklaro si Joel Gavina, manager sa GenSan airport nga pwede makasulod sa tugpahanan ang mga dili bakunado gumikan sa pagtuo nga bawal sa ilang relihiyon og may medical condition.
Matud pa ni Gavina nga kinahanglan nga magpresenta sila og notarized nga certificate nga dili sila pwede nga bakunahan.
Apan ilang tambagan nga angayang magpabakuna gumikan may igong proteksyon sa panglawas batok sa COVID 19.
Samtang gitubag usab ni Gavina ang pagsaway kanila nganong gipatuman ang maong patakaran.
Kahibaluan nga sa bag-ong gipatuman nga no vaccine no entry policy sa airport, angayang fully vaccinated ang mga empleyado sa airport, airline companies,pasahero,mga bisita og uban.
Sa mga muabot nga mga pasahero sa airport nga nakadawat pa lamang sa unang dose ang angayang magpresenta og negative RT-PCR test result sulod sa 72 oras.
Ang mga pasahero nga may vaccination card o vaccination certificate ang makasulod sa airport.Hugot nga gipahinumduman ang tanan nga angayang sundon ang tanang mga health protocols.
