Kapin milyon nga kantidad sa 12k nga punuan sa Mariwana gipang-ibot sa kapulisan

Mukabat sa P2.4 million ang kantidad sa dul-an sa 12,000 ka punuan sa mariwana nga gipang-ibot sa mga otoridad sa Sitio Tukaymal, Brgy. Tablu, Tampakan South Cotabato. Ang maong mga mariwana ang gipang-ibot kauban ang Anti-Illegal Drugs Operation sa nagkadaiyang unit sa PNP 12 kauban ang Philippine Drug Enforcement Agency kon PDEA 12.

Ang mga gitanum nga mga mariwana ang giatiman ni Jimben Sinaya nga residente sa nasampit nga lugar kung asa wala sa area sa dihang gipahigayon ang operasyon.

Gilayon nga gisunog ang maong mariwana sa area.

Gibutyag ni B/Gen. Alexander Tagum, PRO 12 regional director nga ang maong ilegal nga mga aktibidad ang wala nila gipasagdan kung asa angayang manubag sa balaod ang nagtanum sa maong punuan sa mariwana.