Personal nga giadtuan ni Dr. Carlito Rocafort sa regional director sa Deped 12 kauban si GenSan School Division Supt. Rommel Flores ang Aspang Elementary School sa Brgy. San Jose ning syudad nga apil sa pilot implementation sa face to face classes nga magsugod sa Nobyembre 15, 2021.
Kini aron personal nga makit-an ang preparasyon sa maong tulunghaan sa pagsugod sa klase. Matud pa kang Flores nga tulo ka adlaw lang sa usa ka semana matigayon ang klase nga mulungtad sa tulo ka oras.
Sa iyang pamahayag nga bisag apil sa face to face classes pagkasunod semana ang mga estudyante ang mubalik sa pagtuon gamit ang-module.
Gani organisado na ang mga magtutudlo aron magpuli puli sa pag-adto sa eskwelahan alang sa face to face classes samtang ang laing duha ka grupo ang ibutang sa quarantine.
Ang mga estudyante nga apil sa face to face classes ang bolontaryo kung asa walay pinugsanay nga muadto sa tulunghaan.
Kahibaluan, ang mga nagtungha sa Kindergarten, Grades 1,2,3 lang ang apil sa pilot implementation sa face to face classes kung asa 15 lang ka estudyante ang sulod sa matag classroom.
Kahibaluan nga sa region 12 lima ka mga tulunghaan ang apil sa pilot implementation.
Gawas sa Aspang Elmentary School sa GenSan, apil sa listahan ang Bato Elememtary School sa Makilala North Cotabato, Paco National High School sa Kidapawan City, Ned National High School sa South Cotabato og Nelmida Elementary School, Koronadal City, South Cotabato.
