Hugot nga seguridad ang ipatuman sa kapulisan sa unang adlaw karon sa pagsumite og certificate of candidacy kon COC sa mga Comelec offices sa mga buot mupapili sa 2022 elections.
Matud pa ni Atty. Jose Villanueva, Assistant Regional Director sa COMELEC 12 nga nakig-alayon sila sa militar ug kapulisan alang sa pagbantay sa siguridad ug aduna usab gibutang nga covid marshall nga maoy magsuta sa mga dokumento sa mga pulitiko nga mag-file ug COC.
Nauna na matud pang nag nag-inspeksyon ang ang IATF sa mga buhatan sa COMELEC kung asa himuon ang filing sa COC. Saysay ni Villanueva, dili pa niya mabutyag kung may mag file na sa unang adlaw sa filing sa COC gumikan sagad sa mga kandidato ang aduna usab mga tinuuhang numero.
Pagpaklaro niya nga hugot nilang ipatuman ang “”No Negative Antigen Test Result, No filing of COC” , bisan matud pa ang duha katao nga kauban sa pulitko ang kinahanglang may negative antigen test result.
Nagpahimangnbo usab ang opisyal nga dili usab tugutan ang kandidato atol sa iyang pagsumite og COC nga magdala og daghang mga supporters.
Hugot nga sundon ang mga minimum health protocols batok sa covid 19. Ang COC Filing ang mulungtad sa Oct 8, 2021.
