GENERAL SANTOS CITY – Hugot nga gipaningkamotan sa kampo ni Sen. Manny Pacquiao nga mas mapalig-on pa ang stamina sa pinoy ring icon isip preparasyon sa gikatakdang engkwentro batok kang Errol Spence.
Matud pa ni Pacquiao nga angayang i-develop pa ang iyang head movement lakip ang footwork.
Gikadugang pa niini nga nakatutok siya karon sa training tungod dili tiaw ang kalaban nga si Spence.
Kahibaluan nga si Coach Buboy Fernandez ang kauban ni Pacquiao nga gabansay sa dakbayan .
Una niini gibutyag ni Fernandez nga dili angayang i-under-estimate si Spence tungod gapangandam usab sa maong engkwentro.
Target sa Team Pacquiao nga maigo og kusog nga kinumo si Spence sa unang mga rounds sa dula aron mabatyagan nga bisag may edad na si Manny dili basta basta gihapon nga mga boksingero.
