GENERAL SANTOS CITY – Muhangyo ang Office of the Senior Citizens Affairs (OSCA) local IATF sa ilang gihangyo nga matugutan na sa sunod nga bulan sa Hulyo ang paghatag sa social pension sa mga senior citizen sa dakbayan.
Giklaro ni Celso Mendoza, ang labaw sa OSCA- Gensan nga nadelatar sa paghatag ang maong pensyon human nga naabtan sa Executive Order 25 sa mayor nga nagpatuman sa patakaran nga ginadili ang mass gathering.
Gibutyag niini, nga kaniadto pa untang Mayo na-release ang social pension apan wala nadayon gumikan gibawal ang mass gatherings.
Kung ikonsidera sa local IATF nga madayon na kini sa Hulyo, usa kini ka maayong balita alang sa mga senior citizen nga dugay nang nagpaabot niini.
Sa pamahayag ni Mendoza nga naa sa 300 hangtod 500 senior citizen sa matag barangay ang mudawat og social pension.
