GENERAL SANTOS CITY – Gipasa sa Sangguniang Panlungsod ang resolosyon nga gipasa ni Kag. Lucio Cawayan nga ideklara ang Hulyo 22 isip holiday sa syudad alayon sa kasaulogan sa Blaan Day.
Una nga mihatag ug pahayag si Kag. Shandee Llido Pestaño nga may gipagawas nga kamandu-an ang malakanyang nga sulod sa usa ka tuig angayang duha lamang ka local holiday nga madeklara sa matag LGU .
KIni human gideklara sa Malakanyang nga holiday ang matag Pebrero atol sa founding anniversary.
Kini ang rason nganong wala nagdeklara og holiday sa nakalabay nga Hunyo 15 atol sa city charter anniversary kini tungod duha na ang holiday sa syudad.
Gihingusgan sa ubang magbabalaod nga ihatag sa kasaulogan sa Blaan Day ang deklarasyon sa holiday.
Hinoon ang maong resolosyon ang muagi pa sa Office of the City Mayor una ipadala sa malakanyang aron kini desisyonan.
Kahibaluan nga ika-pito na ka tuig ang kasaulogan sa Blaan Day sa Hulyo 22 nga gipangandaman usab sa syudad.
