GENERAL SANTOS CITY – Gilayong naarescue sa kapulisan sa dakbayan ang mag-inahan nga gapangayo og limos sa San Miguel St., Brgy. Lagao.
Una niini, gipost sa usa ka concern citizen sa social media ang hulagway sa mag-inahan human nga naluoy sa malisod nilang kahimtang tungod sa pagpanagyo og limos sa mga lumalabay nga mga tawo sa lugar.
Lakip sa mga hulagway ang bata nga naghigda sa salog nga gihapinan lamang og panapton sa inahan niini.
Sa dihang napaabot sa Bombo Radyo kang City Director P/Col.Gilberto Tuzon ang kahimtang sa mag-inahan, diha-diha gimanduan sa maong opisyal ang womens and childrens desk officer aron sa pagrescue sa mag-inahan.
Pinaagi sa mga personahe sa Lagao Police Station sa pagpanguna sa ilang hepe, gidala ang mag-inahan nga nasuta nga residente sa Calumpang.
Sa pagsusi sa kapulisan sa mga nasampit, nasuta nga nalisdan sila sa ilang inadlaw adlaw nga kan-unon tungod ang inahan ang gapanga-labada lamang.
Tungod menos karon ang gakuha sa iyang serbisyo maong walay income nga hinungdan sa ilang paglisod bisan na lang sa ilang pagkaon rason nga nanglimos sa kadalanan.
