GENERAL SANTOS CITY – Pormal na nga nagsugod sa miaging Abril 14 ang Holy fasting period sa Ramadan ning tuiga, nga gisaulog sa mga tumuluong Muslim.
Matud ni Aida Seddic, provincial Officer-in-charge sa National Commission on Muslim Filipinos (NCMF), nga sa usa ka bulan nga Islamic tradition, ang mga Muslim sa tibuok kalibutan ang nagapuasa og nag-ampo.
Gigahin usab nila ang ilang oras sa charity works og religious devotions.
Gibutyag ni Seddic nga ang ramadan ang gikonsiderang labing balaan nga bulan sa Islam.
Dugang pa niini nga kini ang gi-ingon ni Allah nga ang ramadan ang pinaka-‘gifted’ nga bulan kung asa kini ang higayon sa mga Muslim nga maghinolsol sa mga sayop nga nabuhat.
Atol usab sa ramadan, may kahigayonan ang mga Muslim sa pagtabang sa isig-kaingon pinaagi sa paghatag ug ‘sadaka” kon tabang pinansyal ngadto sa ma kabus.
