Mga traysikad ang dili pwedeng mubyahe sa national highway.

GENERAL SANTOS CITY – Gihingusgan ni Kapitan Paolo Natividad sa Brgy Apopong nga ang mga traysikad ang dili pwedeng mubyahe sa national highway.

Ang pamahayag sa nasangpit may kalabotan sa gidusong ordinansa nga gitawag og ‘KALSADA’ kon Kalihokan alang sa Luwas, Sistemadong og Atimadong Dalan sa Apopong .

Tumong niini nga mamahimong luwas ang mga residente sa Apopong ilabina sa mga road users.

Nakalatid sa ordinansa ang hustong paggamit sa dalan og paggamit sa outerlane nga alang sa mga slow moving vehicle sama sa sikad.

Ang 1st reading sa maong ordinansa ang matigayon ning adlawa.

Galaum nga mamahimong maaprubahan ang maong ordinansa.