GENERAL SANTOS CITY – Nakatutok ang kapulisan sa syudad sa personal grudge sa hinungdan sa pagpusil patay kang Joseph Osorio nga gabaligya og manok sa palengke.
Matud pa kang City PNP Director Col. Gilberto Tuzon nga may person of interest na ang kapulisan nga maoy hugot nga gitutukan.
Gikadugang pa ni Col. Tuzon nga ang gunman ang maoy ilang kasuhan. Oras nga mapasakaan og kaso ang person of interest makonsidera na nga suspek sa kremin.
Usa sa mga gitutukan nga anggulo nga may kaaway sa negosyo ang biktima.
Gumikan nailhan na ang suspek giandam karon sa Bula police station ang kasong murder batok sa responsable.
Gibutyag nga nakaangkon ug igo sa ulo ang biktima nga maoy hinungdan sa iyang kamatayon.
Gikumpirma ni Jona Mae Osorio, anak sa biktima nga adunay nakalalis ang iyang amahan nga mubaligya og kanding apan gibalibaran sa iyang amahan.
