Kapin 1-K mga nagprotesta gidakop sa France

Moabot na sa kapin 1,000 ka mga nagprotesta ang gidakop ug gipriso sa mga otoridad.

Matod ni French Interior Minister Laurent Nuñez, nahimong bayolente ang kadaghanan sa mga nagprotesta maong gidakop sila sa kapulisan.

Mas daghan kini kon itandi sa miaging semana diin 385 lamang ang gidakop.

Ang mga nadakpan giingong nalambigit sa pagpangawat sa mga establisemento.

Wala hinuon makit-i nga gitarget sa mga nagprotesta ang mga pampublikong building sama sa mga munisipyo ug mga estasyon sa kapulisan.

Sa Paris lamang, napugos ang mga otoridad nga mogamit og mga ‘water cannon’ aron pahawaon ang mga nagprotesta .

Naglusad og mga protesta ang mga tawo tungod sa nagkagrabeng pag-ubos sa ekonomiya ug sa pagkunhod sa kalidad sa edukasyon.