GENERAL SANTOS CITY – Dakpan ang usa ka high value target sa hiniusang operasyon nga gihimo sa Philippine Drug Enforcement Agency (PDEA) Cotabato Provincial Office, militar og kapulisan sa Sitio Patindigen, Brgy. Pantar, Banisilan, Cotabato.
Ang suspek nailhan sa pangalan nga si Tanny Gakit alyas Tanto Tidong og Tanto Talib.
Si Gakit ang high-value target sa PDEA og PNP, nga gikaingon nga miem bo sa armed lawless group nga ga-operate sa Cotabato.
Ang nasampit ang konektado sa ubang mga drug personalities sa Talitay, Maguindanao, kung asa gabiyahe byland padulong sa Luzon aron magkuha og supply.
Nakumpiska atol sa operasyon ang 14 ka sachet sa shabu nga nagkantidad og P102,000 , usa ka caliber .45 pistol og mga buhing bala.
Ang suspek ang nadetina sa Banisilan Municipal Police Station nga giandam ang kasong pagsupak sa Section 11, Article II sa RA 9165 og RA 10591
