GENERAL SANTOS CITY -Misaka na sa 1,870 ang katibuk-ang kaso sa Coronavirus disease sa dakbayan sa Heneral Santos human matala ang pito ka mga bag-ong natakbuyan sa virus.
Sa gipagawas nga case profile, gikataho nga lakip sa mga bag-ong kaso ang upat ka residente sa Barangay San Isidro, duha sa Dadiangas North ug usa ka kaso sa Dadiangas South.
Naka-isolate na karon ang usa ka babaye nga LGU employee nga nag-edad og 48 anyos og duha ka 27 anyos nga babaye nga pulos taga Sarangani Homes, Phase 2, San Isidro; 60 anyos nga babaye nga usa ka OFW nga residente sa Nereville San Isidro og 25 anyos nga babaye nga usa ka admin assistant nga lomolopyo sa Lessandra, San Isidro.
Lakip usab sa mga bag-ong natakbuyan sa sakit ang duha ka babaye nga pulos nag-edad og 21 anyos og residente sa Balagtas Street, Dadiangas North.
Samtang kasamtangan karong naka-home quarantine ang 31 anyos nga lalaki nga usa ka LGU employee nga taga Marang Street, Dadiangas South ning syudad.
