GENERAL SANTOS CITY – Ubay-ubayng mga mga balyena ug dolphins ang nasiplatan sa Sarangani Bay sa Department of Environment and Natural Resources (DENR) Region 12 atol sa pagpahigayon og marine mammal monitoring sa protected seascape kaniadtong Pebrero 2 hangtud 5, 2021.
Matud ni Joy C. Ologuin, protected area superintendent (PASU) sa Sarangani Bay Protected Seascape (SBPS), food hunting ang posibleng rason nganong atua sa Sarangani Bay ang mga balyena ug dolphins.
Lakip sa nagmonitor sa protected seascape ang mga personahe sa DENR-12 Conservation and Development Division, Protected Area Management Office sa SBPS, City ENRO sa General Santos ug Environmental Conservation and Protection Center sa Sarangani Province.
Anaa sa 20 hagntud 30 ka indibidwal sa Short-finned Pilot Whales kon Globicephala macrorhynchus ang narekord atol sa ilang aktibidad.
Apil sa nakita ang Risso’s Dolphins , Spinner dolphins ug Fraser’s Dolphins nga anaa sa kadagatan sa Malapatan ug Glan sa Sarangani Province.
Kahibaluan nga nagapahigayon sila og marine mammal monitoring matag bulan aron maseguro ang proteksyon ug conservation sa Sarangani Bay Protected Seascape.
