GENERAL SANTOS CITY – Gipahigayon ang virtual turnover ceremony sa bag-ong Regional Director sa Department of Education kon Deped 12.
Si Director Allan Farnaso ang gibalhin sa Davao Region samtang ang nagpuli kaniya mao si Director Francis Ceasar Bringas nga gikan sa Caraga Region.
Sa pamahayag ni Director Farnaso nga usa ka roller coaster ang iyang pagserbisyo sa Deped 12. Sa iyang pagbalik sa Rehiyon 12 kaniadtong July 2018, gisugat siya og protesta kung asa daghan ang nagtapok sa ilang opisina sa Koronadal City.
Mas gidugangan pa sa pandemic nga wala napangandaman sa tibook kalibutan. Luyo niini nagpadayon sila sa pagserbisyo sa katawhan sa tabang sa mga stakeholders.
Samtang nagpadayag og kalipay si Director Bringas nga siya ang na-assign sa Soccksargen Region.
Sa iyang pamahayag nga lumad siya nga taga Cordillera Region, nga na-assign usab sa Calabarzon og sa Caraga Region.
Mipasalig kini nga ipadayon ang mga nahimo ni RD Farnaso.
Kahibaluan nga ang maong virtual turnover ceremony ang gitambungan usab sa mga opisyal sa Region 12 , 11 og Caraga Region lakip ang Deped National Office.
