GENERAL SANTOS CITY – Nangandam na ang lokal nga gobyerno sa Malungon, Sarangani Province sa pag-demolish sa mga illegal structures nga nahimutang sa mga public roads base sa kamandu-an nga gipatuman sa Department of Interior and Local Government (DILG).
Kini ang kamandu-an ni Pangulo Rodrigo Duterte sa mga municipal mayor nga pangbkawi-on ang luna sa gobyerno bisan pa sa mga permanent establishments ug institutions apil ang mga illegal structures sa mga public roads, alleys, pedestrians ug uban pa.
Pinaagi sa Memorandum Order Number 03 ni Mayor Maria Theresa Constantino, gimandu ang pagguba sa mga estruktura pinaagi sa Road Clearing Task Force aron magpahigayon ug demolisyon.
Lakip sa gimandu-an sa mayor ang kapulisan sa paghatag ug seguridad sa task force aron magmalinawon ang pagpatuman sa kamanadu-an.
Nasuta nga daghan nga mga balay ang naa duol sa national highway nga target sa demolisyon tungod peligro ang ilang kahimtang tungod sa peligro nga mabanggaan sa mga sakyanan.
