GENERAL SANTOS CITY – Gilugwayan hangtud sa Disyembre 4, 2020 ang Measles Rubella Supplemental Immunization Activity (MRSIA).
Matud pa sa DOH 12 nga kini gumikan wala naangkon ang 95% nga accomplishment nga mabakunahan ang siyam ka bulan hangtud sa 59 ka bulan nga mga bata nga target nga mahatagan og bakuna batok sa tipdas.
Kung basehan ang report sa DOH kagahapong adlawa nga 86.90% pa lang ang total accomplishment sa Region 12.
Ang Sarangani lang ang nakaangkon og lagpas sa 95% nga target nga karon anaa na sa 96.54%.
Ang South Cotabato anaa sa 93.76%, Sgultan Kudarat 88.71%, Cotabato City 83.94%, GenSan 81.85% og North Cotabato 80.53%.
Gumikan niini kapin pa sa 60,000 ka mga bata ang angayang mabakunahan base sa target nga 463, 675.
Kahibaluan nga ubos ang accomplishment sa MRSIA gumikan sa isyu sa pandemic nga daghan ang angayang ikonsidera.
Gawas pa niini nga daghan usab sa mga health workers ang na-quarantine ilabi sa GenSan human nakahimamat ang nagpositibo sa virus
