GENERAL SANTOS CITY – Giangkon ni Col. Galileo Goyena Jr., commanding officer sa Task Force GenSan nga nakaabot na kaniya ang report may sakop sa iyang opisina ang gikaingon nga protector sa mga landclaimants sa dakbayan.
Matud pa ni Col. Goyena nga gilayon nga iyang gipaimbestigahan ang maong hisgutanan og nasayran nga nabalhin na sa Davao.
Gikadugang pa sa nasampit nga opisyal nga sa miaging Mayo 2020 nabalhin sa 6th ID ang Task Force GenSan gikan sa pagdumala sa 10th ID sa Davao City.
Nasuta nga sa pagbalhin sa 6TH ID sa Task Force GenSan, 60% sa mga empleyado niini ang gibalik sa 10th ID.
Sa iyang pamahayg nga ang mga gialegar nga mga sakop sa Task Force GenSan ang wala na karon sa maong opisina.
Giangkon ni Col Goyena nga adunay mitanyag usab kaniya nga area sa dihang na-assign sa dakbayan.
Kahibaluan nga ang isyu sa pag-ilogay sa yuta ang katap kaayo sa dakbayan kung asa daghan na ang namatay.
