GENERAL SANTOS CITY – Nagpatabang sa Sangguniang Panlungsod si Col. Galileo Goyena Jr., commanding officer sa Task Force GenSan alang sa kabalhinan sa ilang headquarters.
Sa pag-adto niya sa session sa SP iyang gipadangat ang maong problema gumikan gikatakda na nga ibaligya sa Retirement and Separation Benefits System (RSBS) ang maong area.
Sa iyang pamahayag nga kini ang usa ka rason nganong dili marepair ang ilang mga gambalay gumikan anaa sa pribadong area.
Sa iyang pamahayag nga mas maayo nga duol sa syudad ang ilang headquarter aron makarespondi gilayon kung may mahitabo sa central business district.
Adunay rekomendasyon nga ilang ibalhin sa Apopong ang area nga gipanag-iyahan sa syudad.
Gikadugang pa niini nga bisag asang area walay problema ngadto kanila basta nga adunay kaugalingon nga lugar alang sa ilang headquarter.
Kung kini mahitabo pwede nga magmuntar sila og detachment sa sentro sa syudad aron makarespondi sa panahon sa emergency.
Nasayran nga dumha ka semana pa lang sa GenSan si Col Goyena nga daghang giyera na ang naapilan sama sa Marawi Siege.
