GENERAL SANTOS CITY – Mahuman na ning semanaha ang training sa kapulisan sa Region 12 sa paghupot sa ilang armas.
Matud ni P/Lt. Col. Lino Capellan, tigpamaba sa Police Regional Office 12 nga 100% nga mahuman sa kapulisan sa tibuok rehiyon ang markmanship training basi sa kamandu-an sa ilang labaw nga ni PNP Chief Camilo Cascolan.
Gikadugang pa ni Capellan nga mismong si Regional Director B/Gen. John Michael Dubria ang nanguna sa pagtudlo kung unsaon paggamit ug pagpabuto sa issued firarms sa kapulisan.
Tananng sakop sa kapulisan ang mipailawom niini aron masinate pag-ayo nila ang taklos nila nga armas.
Gawas sa actual nga paghupot sa armas kinahanglan usab nga mahurot sa usa ka pulis ang bala sulod sa tulo ka phase sa iyang training.
Giangkon usab sa opisyal nga adunay pipila ka pulis sa rehiyon ang dili na makamao magpabuto sa giisyu nga armas.
Kahinumduman nga niining semana mukapin 100 ka mga armas ang gipanghatag sa kapulisan sa Region 12.
