GENERAL SANTOS CITY – Nagpaklaro si Anecito Lopez, administator sa Maasim, Sarangani kalabutan sa pagpasirado sa pipila ka mga opisina sa munisipyo.
Matud pa kang Lopez nga base sa kamanduan ni Mayor Xyrex Pacquiao gisirad-an ang Treasurers Office og Human Resource Management Office gumikan sa contact tracing.
Samtang nagpabiling sirado ang public market sa Maasim gumikan may lima ka nagpositibo sa COVID 19.
Samtang usa sa mga anggulo nga gitun-an nganong nagpositibo ang laing residente sa Maasim gumikan lakip sa contact tracing nga gihimo tungod miadto sa BDO Pioneer Branch sa syudad sa Heneral Santos nga unang gipasirado tungod may nagpositibo sa COVID 19.
Hinoon gipaklaro ni Lopez nga padayon pa ang beripekasyon kung asa nakuha gayud sa pasyente ang maong virus.
Samtang sa labing ulahing report sa DOH 12 kagabii nadugangan og usa ka kaso ang Maasim. Usa ka 41 anyos nga babaye nga exposed sa may kaso sa COVID 19.
