GENERAL SANTOS CITY – Duha ka mga doktor ang nadugang sa listahan sa dakbayan nga nagpositibo sa COVID 19.
Kini base sa profile sa mga natakdan sa maong sakit nga gipagawas sa lokal nga gobyerno.
Gikalangkuban kini sa usa ka RHU doctor nga babaye nga nagpangidaron og 57 anyos nga taga Doña Soledad, Labangal ning dakbayan.
Lakip ang laing doktor nga lalake nga 58 anyos nga residente sa nasampit nga lugar.
Sa labing ulahing report sa DOH 12 anaa sa 29 ang mga nagpositibo sa syudad upat niini ang menor de edad.
Ang labing bata usa ka sais anyos nga babaye nga taga Tambler, 14 anyos lalake nga taga Silway Fatima, Dadiangas West, 15 anyos nga lalake nga taga Agan Centro Lagao og 16 anyos nga lalake nga taga Purok 4, Ligaya ning syudad.
May nagpositibo usab nga babaye nga accountant nga taga San Isidro og adunay engineer nga lalake, 33 anyos nga gapuyo sa Agan North, San Isidro ning syudad.
Kagabii nga report sa DOH 12 mukabat sa 29 ang nadugang sa listahan sa mga nagpostibo sa COVID 19 sa GenSan.
