Giguba sa Bureau of Customs Manila International Container Port (BOC-MICP) ang lima ka container sa smuggled nga sigarilyo ug uga nga dahon sa tabako nga nagkantidad og P179.03 milyon sa Porac, Pampanga.
Ang pagguba gihimo gikan sa Septyembre 30 hangtod Oktubre 2, 2026.
Lakip sa mga giguba mao ang upat ka container sa sigarilyo ug usa ka container sa uga nga tabako.
Gikumpiska ang mga produkto human sa inspeksyon niadtong Oktubre 8, tungod sa mga paglapas sa Graphic Health Warnings Law, TRAIN Law, ug Customs Modernization and Tariff Act (CMTA).
Sumala ni Customs Commissioner Ariel F. Nepomuceno, importante nga masiguro nga ang mga kontrabando dili na makabalik sa merkado aron mapanalipdan ang panglawas sa publiko, kita sa gobyerno, ug lehitimong mga negosyo.
Samtang, gipadayag ni MICP District Collector Atty. Felipe Geoffrey K. De Vera IV ang kamahinungdanon sa pagsunod sa mga legal nga proseso sa pagguba sa mga nakumpiska nga produkto.
