GENERAL SANTOS CITY – Nagduso na ug motion for reconsideration ang kampo ni kanhi Congresman Pedro Acharon Jr. sa Sandiganbayan human gihukman nga guilty sa Sandiganbayan Seventh Division sa kasong graft.
Matud sa kanhi kongresista nga 14 ka tuig na ang nakalabay dihang mayor pa siya o nagpadala ug partisipante ang syudad sa Tambayayong Festival” sa Los Angeles, California kaniadtong Hunyo 9 hangtud 16, 2006.
Didto gigasto ang P2.5 million sa 17 ka partisipante nga gilangkuban sa pipila ka konsehal ug mga empleyado sa syudad.
Gani gibasura na ang unang kaso nga gipasaka ni Maning Malinao sa apan gibalik ug file sa Ombudsman ang graft case.
Gipaklaro usab niini nga wala siya nakadawat sa maong salapi tungod mipirma lang kini aron tugtan ang pagbiyahe sa mga empleyado lakip ang mga konsehal.
Naapil usab sa maong kaso ang kanhi financed administrator nga si Marcelino Dos Pueblos ug si Chriselda Macion, presidente ug representative sa General Santos City (GSC) Tourism Association Inc., usa ka non-government organization.
Nanghinaut si Acharon nga dunggon sa Sandiganbayan ang iyang mosyon.
Sa maong kamandu-an mabilanggo gikan sa unom ka tuig ug usa ka bulan hangtud sa siyam ka tuig.
Ang conviction pinasikad sa kasupakan sa Section 3(e) of Republic Act 3019 u Anti-Graft and Corrupt Practices Act.
Gipahamtangan usab ug perpetual disqualification sa paghupot sa unsa mang posisyon sa buhatan sa gobyerno.
Gipakanaug ang hukom nilang Seventh Division Chairperson Ma. Theresa Dolores Gomez-Estoesta ug Associate Justice Zaldy Trespeses.
