GENERAL SANTOS CITY – Walay nakit-ang nga foul play ang mga otoridad sa paghikog patay sa usa ka lalake.
Ang nasampit ang nailhan sa pangalan nga si Christian Sub, 28 anyos handler ug manok panabong nga nagpuyo sa Purok Ondok Gawan, San Jose ning syudad.
Matud sa kapuyo niini nga si Rochelle nga nakauli pa si Christian ug mitapad pagkatulog.
Makalabay ang pipika ka oras dihang nakamata kini nga wala ang kapuyo hinungdan nga iyang gitawag apan wala mutingog og gipangita.
Apan dili siya makagawas sa kwarto hinungdan nga miambak sa bintana ug didto sa gawas sa gipuy-an nakita nga nagbitay na ang biktima.
Giputol niya ang higot ug gisulayan ug revive apan bugnaw na ang biktima.
Una ang insidente naghisgot ang biktima nga naglisod sa pagkalimot sa inahan sa duha niini ka anak nga mikuyog sa laing lalaki.
Unom ka tuig nga nag-uban sa asawa samtang si Rochelle tulo ka bulan pa lamang nagpuyo.
