GENERAL SANTOS CITY – Gikatakda matud pang magpulong ang Local-IATF, LGU ug uban pang stakeholders alang sa pagahimuong assessment sa mga katikaran sa padayong kampaniya batok sa coronavirus disease 2019 sa GenSan dakbayan.
Kini gumikan sa gikatakda nga paghuman sa gipatumang extended General Community Quarantine.
Sa maong panagpulong, mahisgutan ang posibilidad nga bakwion ang gipatumang extended GCQ measure, padulong sa pagpatuman sa mas luag nga Modified General Community Quarantine (MGCQ).
Una nang gianunsyo sa mga health experts nga adunay maayong resulta ang pagpatuman sa strict quarantine measure sa siyudad ug sa gipalapdan nga testing capacity aron mapaubsan ang “positivity rate” sa Covid cases.
Kahinumduman nga nagsugod ang pagpatuman sa GCQ sa GenSan niadtong September 13 ug napalawig pa kini hangtud October 15, 2020.
