GENERAL SANTOS CITY – Subli nga nakakuha ug satisfactory ratings ang Malungon Municipal Police Station ug LGU Malungon sa gyera kontra Illegal drugs .
Kini human giila sa Philippine Drug Enforcement Agency XII ang kampanya sa kapulisan kauban ang Malungon Local Government Unit human napakita sa munisipyo ang upshot sa anti-drug war sa lugar.
Matud ni Mr Isagani Palma, Municipal Information Officer nga nagpahigayon ug usa ka programa sa Sunken Arena Covered Ground sa pagpanguna mismo ni Malungon Mayor Tessa Constantino ug PDEA12 Director Naravy Duquitan.
Atubangan sa mga residente giangkon sa Opisyal nga anam anam nga midaghan ang gipahigayon nga operasyon kontra-droga sa maong lugar.
Pamatuod matud pa kini nga ang supply sa iligal nga droga ang naguba na mao nga ang ihap sa mga personalidad nga gidudahang nalambigit sa paggamit ug pagpamaligya sa ginadili nga droga ang nagkagamay na.
Basi matud pa sa data nga sukad kaniadtong Enero niining tuiga adunay katorse ka anti-drug operations ang natigayon. Gani adunay Re-orientation sa Barangay Drug Clearing Program ang gipahigayon nga gitambungan sa mga Anti-Drug Agency officials ug mismong si Mayor Maria Theresa Constantino nga nangulo sa Municipal Anti-Drug Council.
