GENERAL SANTOS CITY – Nagresulta sa baylo-anay ug buto sa mga armas ang wala paghunong sa duha ka motorsiklo nga adunay tigduha ang sakay dihang gipahunog sa checkpoint nga gipahigayon.
Matud sa mga otoridad nga nagpahigayon ug joint checkpoint ang 5th special forces battalion kauban sa kapulisan sa Barangay Lamsugod Surallah South Cotabato human nakadawat ug intelligience report nga adunay bomba nga I transport gikan sa T’boli South Cotabato paingon sa syudad sa General Santos.
Dihang nalantawan na ang duha ka motorsiklo gipahunong matud pa sa mga otoridad apan mipakusog hinuon sa ilang pagpadagan hinungdan nga nahitabo ang gun running encounter nga nagresulta sa pagkamatay sa suspek nga silang Jeofrey Nilong ug igsuon niini nga si Amen Nilong nga mga sakop sa Dawlah Islamiyah nga konektado sa grupong ISIS..
Narekober ang mga ID ug usa ka motorsiklo nga walay plate number.
Nagpadayon ang gihimong pakigsusi sa kapulisan sa lain pang duha nga nakasibat human sa panghitabo .
