GENERAL SANTOS CITY – Pulos tanggong sa selda sa San Isidro Police Station ang barangay tanod ug gituohang sakop sa Moro National Liberation Front atol sa gipahigayon nga police operations sabado sa buntag sa Agan North San Isidro ning syudad.
Giila ni Police Capt. Brent Salazar , hepe sa San Isidro Police Station ang dinakpan nga si Abdurazez Abas Udda alyas Liam Abas Udda human nakuhaan ug ug caliber 45 pistol ug mga bala sa iyang sakyanan.
Samtang nasikop usab si Mansueto Descarial Jr, 63-anyos, barangay tanod ug taga Purok Nangka, Barangay Conel nga nakuhaan usab ug caliber 45 pistol nga adunay buhi nga bala.
Matud ni Salazar nga pulos pakyas nga makapakita ug papeles sa paghupot ug armas ang duruha mao nga ilang gidakop.
Pagsupak sa RA 10195 ang giandam sa kapulisan batuk sa duha ka dinakpan.
