GENERAL SANTOS CITY – Sirado ang opisina sa Barangay San Isidro ning syudad.
Base sa Executive Order No. 22 ni Kapitan Jeprox Yumang sa San Isidro nga sugod nig higayon hangtud sa Agosto 23, 2020.
Sa adlawng Lunes na subli nga mubalik sa operasyon ang barangay gumikan gipailawom disinfection.
Tungod niini suspendido ang tanang transaksyon sa maong barangay.
Hinoon sa Executive Order nga gipagawas wala gibutyag kung unsa ang rason.
Apan nasayran nga ang nagpositibo nga doctor sa COVID 19 ang RHU doctor nga na-assign sa maong barangay.
Gumikan niini hugot og halapad nga contact tracing ang gihimo sa lokal nga gobyerno sa syudad sa nakahimamat sa maong pasyente.
Sa pag-adto sa Bombo Radyo GenSan newsteam sa barangay sirado ang gate nga hugot nga gibantayan sa mga otoridad.
