GENERAL SANTOS CITY – Pulos patay sa pagpamusil ang mag-asawa sulod sa bag-ong gipatukod nga kan-anan sa Diversion road Mabuhay ning syudad.
Giila ni Police Capt. Brent Ian Salazar ang mga biktima nga silang Erlyn ug Jose Becera pulos nag edad ug 33 anyos mga residente sa Mabuhay Phase ning syudad.
Gipusil ang mga biktima sulod sa ilang kan-anan samtang gaatiman sa ilang mga kustomer nga nagresulta sa ilang kamatayon.
Pulos nakaangkon ug samad sa ulo ug lawas ang mga biktima nga diha-diha nakabsan sa kinabuhi.
Gibutyag ni Salazar nga naglisod sila sa pag-ila sa mihimo sa krimen tungod walay CCTV nga gimontar sa lugar.
Nahibaw-an usab nga wala pay usa ka bulan nga nagbutang sa maong kan-anan ang mga biktima. Niining semanaha lamang upat na ang nakabsan sa kinabuhi human nabiktima sa pagpoamusil dinhi sa syudad.
