GENERAL SANTOS CITY – Gihingusgan ni Kagawad Brix Liklik Tan nga dili niya tinuyuan nga madugayan siya sa Canada resulta nga wala nakatambong sa session sukad sa miaging Marso.
Matud pa sa konsehal nga migikan siya sa GenSan sa miaging Marso 5, 2020 og Marso 22 unta ang pagpauli sa Pilipinas gumikan sa isyu sa COVID 19 na-lockdown sa Canada.
Kahibaluan nga Marso 15, 2020 gipatuman ang lockdown kung asa makadaghan siya nga higayon nga nagpa-booked og ticket aron makaui sa Pilipinas apan nakansela.
Ang iyang gihimo nga gikan sa Canada mipalit ug ticket paingon sa America ug didto mikuha ug flight pauli sa Pilipinas.
Sa pag-abot sa Manila, pito ka adlaw nga mipailawom sa quarantine kung asa nagnegatibo sa swab test.
Sa pamahayag ni Kag. Tan nga kaniadtong June 27 miabot siya sa GenSan kauban ang iyang pamilya nga nagpailawom sa 14 days quarantine nga gisunod ang tanang mga health protocols.
Nangayo siya og pasaylo sa nahitabo nga nakatuman sa iyang trabaho tungod sa wala gilaumang sitwasyon nga global pandemic.
