GENERAL SANTOS CITY – Misaka na sa 23 ang kumpirmadong kaso sa coronavirus disease sa rehiyon dose. Base sa datos sa DOH12-Center for Health Development nga nadugang sa ihap sa nagpositibo ang usa ka 11-anyos nga batang babaye nga taga Cotabato City, na-expose ang pasyente sa usa sa mga nagpositibo sa makamatay nga sakit.
Hinuon stable na ang kondisyon sa nahisgutan.
Samtang, nadugangan usab og duha ang ihap sa namatay nga adunay suspected coronavirus nga nagpasaka sa total number of death sa 37.
Pulos taga GenSan ang mga nasampit kung asa usa ka 47 anyos samtang ang lain pa usa ka 56 anyos nga pulos nahunusan sa kinabuhi niadtong Mayo 19.
Base sa pagsuta namatay sila tungod sa pulmonya, kidney injury at tubercolusis, hinuon gipaabot pa sa Health Department sa rehiyon ang resulta sa ilang laboratory test.
