GENERAL SANTOS CITY – Anaa sa preventive lockdown og dili total lockdown ang dakbayan kung asa ang duha ang may kalahian.
Matud pa ni City Administrator Atty. Arnel Zapatos, kini gumikan ang gibasehan sa lokal nga panggamhanan kadtong pamahayag ni Pangulong Rodrigo Duterte nga pwedeng ipatuman ang total lockdown sa usa ka lugar kung may duha ka kaso na sa coronavirus disease.
Apan sa sitwasyon dinhi sa GenSan walay kumpirmadong kaso sa covid 19 inay gikonsidera nga mga person unde`r monitoring lamang.
Sa pamahayag ni Zapatos nga dako na ang matabang ngadto sa gobyerno kung matag usa kanato mutuman sa mga patakaran nga ginapatuman sa gobyerno sama sa pagpuyo sa balay, aron malikayan ang pagkatag sa virus.
Gipaklaro usab ni Atty. Zapatos nga ang mga essential workers nga ania sa syudad ang dili na kinahanglang mukuha og home quarantine pass tungod pwedeng ang ilang ID ang ipakita tungod kini paigo na.
Apan ang essential workers nga nadestino gawas sa GenSan ang angayang mukuha og pass.
