GENERAL SANTOS CITY – Gipasakaan na og kaso sa PNP Maritime Group ang mga suspetsado nga responsable sa pagpabuto og armas sa ilang tulo ka ginsakpan samtang nagpatrolya sa kadagatan sa may bahin sa Kulasi Brgy Labangal ning dakbayan.
Kahinumduman nga ang mga biktima ang nailhan nga silang PMsgt Edilberto Berdardino, PSsgt Roger Agudania, PSsgt Edwin Tubig ug PSgt Rodrigo Salmon Jr.
Ang lawas ni PMsgt Berdardino hangtud karon wala makit-an samtang namatay si PSgt Rodrigo Salmon Jr paglabay sa pipila ka adlaw nga anaa sa ospital tungod sa samad pinusilan nga naangkon.
Hinungdan nga duha ka kasong murder og frustrated murder ang gipasang-at nga kaso batuk sa tulo ka mga suspects apan dili pa ibutyag ang ilang mga pangalan og hulaton nga mugawas ang warrant of arrest aron sila pangdakpon.
Kahinumduman nga sa personal nga pagbisita ni Brig. Gen. R win Pagkalinawan, ang Maritime Group Director, sa dakbayan aron personal nga susihon ang panghitabo, gimando niini sa mga ginsakpan nga panubagon ang mga suspect nga gipangita pa sa mga otoridad.
